🔥🔥🔥🔥🔥🔥

-موجهاات أثناء المواكب يجب أخذها في الحسبان. :
-م تلبس العلم إلا جوا الموكب وأعمل حسابك من أي عربية مريبة فالشارع.
-شعرك إذا مربيه حاول بقدر الإمكان تغطيهو بطاقية أو شال .
-لو كنت حاسي إنك مستهدف أو حاجة بالشكل ده غطي وشك بكمامة أو شال أثناء الموكب تجنبا للتصوير.
-إذا كنت ضمن التروس المشتبكة والصفوف الأمامية أثناء القمع حاول م توجه و تأشر بيدينك اتواصلو بالكلام بس.
-م ترفع أي جسم إذا م أتأكدت إنو بمبان.
-أثناء اﻷشتباك م تقيف في مكان واحد إتحرك يمين شمال ورا قدام.
-أثناء إطلاق البمبان عاين فوقك و فوق الناس الحولينك دايما عشان ما في زول يتأذى.(أرفع راسك فوق فوق).
-حاول م تجي الموكب بملابس ألوانها ملفتة للنظر.
-بعد إنتهاء الموكب حاول أرجع مع مجموعة كبيرة من الناس أو رفيق واحد على الأقل مع تجنب الشوارع الرئيسية .
-بعد كل فترة وفترة و أنت ماشي عاين وراك كأنك نسيت حاجة و شوف الزول الوراك و أحفظو و كررها تلاتة أو أربعة مرات عشان تتأكد إذا الزول ده متابعك .
-عند وصولك إلى الحي م تدخل البيت مباشرة و شوف إذا في زول غريب و تصرفاتو مريبة.
-عدم ذكر أسماء أو صور المصابين إلا في حالة خطورة الإصابة التي قد تمنعه من المشاركة في الموكب لشهور.
-حذف الرسائل و الدردشات الهامة من الهاتف وعدم الإحتفاظ بأي صور أو فيديوهات في الهاتف (عشان م يقصونا كلنا بسببك).
-الصور و الفيديوهات الواضحة جدا العندك ما تنشرها إلا بعد السقوط التام.
●لتأمين أخوك :
-لاحظ من حولينو كويس إذا كان في زول متابعو أو مركز عليهو فالتصوير.
-في حالة إتصاب ما تخلي زول يصورو أو صور واضحة ليهو.
-كمجموعة أصدقاء حددو دايما نقطة إلتقاء أمنة في حال الإفتراق أثناء الكر والفر .
●لتأمين الموكب:
-الإلتزام التام بموجبات اللجان الميدانية.
-التدقيق على أسطح المباني لكشف القناصين.
-فحال تم القبض على أي أمنجي يجب تسلميه للجان التامين فوراً (لأنو أي أمنجي و راهو أمنجية تأمين في شكل ثوار عشان يهربوهو إذا إنكشف).
و إن شاء الله تامين و سالمين.
#مليونية_30يناير
#يسقطحكمالقتلةوالثورة_مستمرة
#غب_ح
الحريه لي توباك
الحريه لي الننه
الحريه لي كل المعتقلين